Si të shoqërojmë drekën e Krishtlindjeve me llojet e duhura të verës?

Pothuajse të gjitha darkat e verës ndjekin një format të ngjashëm duke filluar me verëra më të lehta, me aromë delikate dhe duke përfunduar me verëra më të guximshme dhe më intensive. Arsyeja për këtë është sepse shqisa jonë e shijes bëhet më e dobët gjatë vaktit. Kjo është gjithashtu arsyeja pse ëmbëlsirat popullore janë kaq të pasura dhe intensive.

Kombinimi me antipasta të ngrohta apo të ftohta
Verë e bardhë me trup të plotë, Roze apo e Kuqe me trup të lehtë.
Për shembull, ju mund të shërbeni një verë të bardhë si Chardonnay, Reserva Ëhite Rioja ose një Cotes du Rhône Blanc. Ose mund të pranohet edhe një rubin i shkëlqyer spanjoll Garnacha Rosado, apo Pinot Noir.

Kombinimi me Pjatën Kryesore
Verë e Kuqe me trup mesatar deri në të Plotë
Një verë e kuqe me trup të mesëm dhe të plotë do të përputhet në mënyrë të përsosur me pjatën tuaj kryesore. Për këtë, ka një mori opsionesh mjafton të zgjidhni atë që ju pëlqen - ose më mirë akoma, atë që ju pëlqen mysafirëve tuaj. Pinot Noir, Merlo, Côtes-du-Rhône, Bordeaux, Negroamaro, Syrah, apo edhe nje Chianti janë të gjitha zgjedhje të përsosura.

Ëmbëlsira
Verë ëmbëlsire
Verërat me trup të plotë, të pasur dhe të pasuruar janë një zgjedhje e mrekullueshme me çokollatë, të tilla si vera Port, ndërsa ëmbëlsira me fruta pylli dhe krem përputhin intensitetin e kësaj ëmbëlsire të freskët me një verë të ëmbël me gaz si Moskato. Një tjetër opsion shumë I mirë për të shoqëruar ëmbëlsirat tuaja është edhe Vin Santo.